ბესარიონ პ. გუგუშვილთან რეჟისორ ზვიად მიქელაძის ვიდეო ინტერვიუდან


ბესარიონ პ. გუგუშვილთან რეჟისორ ზვიად მიქელაძის ვიდეო ინტერვიუდან
(ფინეთი, ვანტაა, 06.08.2014)

ინტერვიუ გამოქვეყნდა გაზეთში „საქართველოს რესპუბლიკა“, 2014 წ. — №223, 1 ნოემბერი, გვ. 7;  №233, 15 ნოემბერი, გვ. 6-7; №242, 29 ნოემბერი, გვ. 6-7; №242, 13 დეკემბერი, გვ. 7 — საერთო სათაურით „ფინეთის ცივი მზე“.

ინტერვიუს ვიდეოჩანაწერი:

რატომ არ ჩამოდის საქართველოში საქართველოს ლეგიტიმური პრემიერი

საქმე ისაა, რომ ზვიად გამსახურდიას მიმართ აღძრული ე.წ. საქმე დახურული არ არის. შეჩერებულია. გამომიგზავნეს ოფიციალური ქაღალდი პარლამენტიდან და პროკურატურიდან, სადაც ლაპარაკია, რომ შეჩერებულია ეს საქმე იმის გამო, რომ დანაშაული დღეს აქტუალური აღარ არის, ე.ი. იმაზე კი არის საუბარი, რომ გამართლებული ვართ, მეც და სხვებიც… საქმე ისაა, რომ შეაჩერეს პროცესი. დააკვირდით, რას ნიშნავს ეს სამართლებრივად: სამართლებრივად ნიშნავს, რომ მე ისევ დამნაშავე ვარ, მაგრამ რახან „ქმედება საშიში აღარ არის“ (პირდაპირ ასე წერია: „ქმედება საშიში აღარ არის“), ესე იგი, ის „ბოროტმოქმედება“, რომელიც მე ჩამიდენია ზვიად გამსახურდიასთან ერთად, ახლა საშიში აღარ არის და ამის გამო შეაჩერეს საქმე. ეს გულისხმობს თავისთავად ერთ რამეს, რომ საქართველოშ ჩასვლისთანავე, მე უნდა გამოვცხადდე პროკურატურაში, პირდაპირ მომწერეს და ხელი უნდა მოვაწერო იმას, რომ მე ამის წინააღმდეგი არ ვარ, ესე იგი, მათივე კანონმდებლობით მე სამუდამოდ დამნაშავედ ვრჩები, რომელიც არ დაისაჯა იმის გამო, რომ „ქმედება საშიში აღარ არის“ და მე ამას ვეთანხმები. ყველა ვინც ჩამოვიდა საქართველოშ, ამაზე ხელი მოაწერა. ხელი მოუწერეს, რომ კრიმინალები არიან, ესე იგი, „ეპატიათ“ სინამდვილეში. დააკვირდით, რეაბილიტაცია მოხდა და არა გამართლება.

ამ დროს სააკაშვილი ხელსიუფლებამ 2004 წელს მიიღო საოცარი დადგენილება, რომ ზვიად გამსახურდიას დროინდელი ხელისუფლება ლეგიტიმური იყო და რჩებოდა თავისი მოქმედების ვადებში, ანუ პრეზიდენტი და პარლამენტი ხუთი წლით იყო არჩეული და ხუთი წლის მანძილზე სწორედ ის ხელისუფლება რჩებოდა ლეგიტიმურად. სინამდვილეში ტყუილია, რომ საქმე შეწყდა და არავითარი დევნა აღარ არის. საქმე ისაა, რომ იქ ჩასვლა და ხელის მოწერა ნიშნავს, რომ მე თანახმა ვარ იმ სიყალბეზე, რაც მათ კანონში ჩაიწერეს. რა თქმა უნდა, მე არა ვარ თანახმა. სასურველია, თუნდაც მაგ ხელისუფლებამ, რომელსაც არ ვცნობ, აუცილებლად დაამთავროს ეს საქმე, ჩვენს წინააღმდეგ აღძრული საქმე, ვითომ ჩვენ ვიყავით უკანონოები და არა პუტჩისტები. აქ მიღებული უნდა იქნას პრინციპული გადაწყვეტილება, რომ კრიმინალები ისინი არიან.

რახან ჩემი საქართველოში ჩასვლა ასეთ ხელმოწერას მოითხოვს, მე თუნდაც ამიტომ არ დავბრუნდები. მეორე ფაქტორი: ვინ არიან? სად ჩავდივარ? ქვეყანას, სახელმწიფოს, რომლის პრემიერ-მინისტრი მე ვიყავი და დღემდე ვრჩები, იმიტომ, რომ ჩემ გადაყენებაზე არავითარი ლეგიტიმური დოკუმენტი არ არსებობს, ერქვა საქართველოს რესპუბლიკა. ღერბზე ჰქონდა გამოსახული თეთრი გიორგი, დროშა იყო სამფეროვანი, კონსტიტუცია სხვა იყო… დღეს რა ქვეყანაა? რა სახელმწიფოა? საქმე ის გახლავთ, რომ თვითონ ეს სახელმწიფო არ არის ის სახელმწიფო, რომლიდანაც მე გამოვედი და რომლის პრემიერ-მინისტრი მე ვიყავი. მე უნდა დავბრუნდე სხვა სახელმწიფოში, რომელსაც ჩვენ ვებრძოდით. „სამოქალაქო ომს“ რომ ეძახიან, იმ ომში გაიმარჯვა ჩვენმა მტერმა. გამოდის, რომ მტრულ სახელმწიფოში უნდა ჩავიდე. ჩასვლა კი რას ნიშნავს? ან ტყვედ ვბარდები, ან ვცნობ. თუ ჩავედი, იმ სახელმწიფოს იურისდიქციას უნდა დავემორჩილო, რომელიც მტრულია იმ სახელმწიფოს მიმართ, რომლის პრემიერ-მინისტრიც მე ვარ ლეგიტიმურად (არავის არ გავუთავსუფლებივარ, განცხადება არ დამიწერია წასვლაზე). ესაა ორი ყველაზე მნიშვნელოვანი არგუმენტი, იურიდიულად დასაბუთებული, რაც მე საშუალებას არ მაძლევს საქართველოშ ჩავიდე. ჩემი ჩასვლა ავტომატურად ნიშნავს ღალატს იმ სახელმწიფოს მიმართ, რომლის პრემიერ-მინისტრიც მე ვარ და თუ გნებავთ, ვიყავი. ნიშნავს ღალატს იმ ათასობით ადამიანის მიმართ, რომლებიც გმირულად დაიღუპნენ. ესე იგი მე იმ საქმეს უნდა ვუღალატო, რისთვისაც ვიბრძოდით და დავნებდე არსებულ სიტუაციას. ასე, რომ ხელის შემშლელი ობიექტური ფაქტორები არის. ამიტომ ვერ ჩავდივარ. არ ჩავდივარ კი არა, ვერ ჩავდივარ. Read more of this post

Advertisements

ეროვნული გვარდიის ოპერატიული სამსახურის უფროსი ჯ.ბოკუჩავა


საქართველოს ეროვნული გვარდიის ოპერატიული სამსახურის უფროსი შევარდნაძის რეჟიმისგან სიკვდილმისჯილი ჯამბულ ბოკუჩავა:

სხვათა შორის, თავად ბატონი გუგუშვილი და დაცვის ბიჭები საოცრად ერთგული თანამებრძოლები იყვნენ პრეზიდენტისა! მე სრული ინფორმაცია მაქვს ამ საკითხთან დაკავშირებით!

გეუბნებით იმას, რაც იყო: ბესარიონ გუგუშვილი და ზვიად გამსახურდია მეგობრებიც იყვნენ, ნათესავებიც და ბატონმა გუგუშვილმა ბოლომდე უერთგულა კანონიერი ხელისუფლების ღირსებასაც, ქვეყნის პრეზიდენტსაც და მეგობარსაც!

ერთიც არის: რა თქმა უნდა, ზვიადი მოკლეს! რასაკვირველია, მოკლეს! თუმცა, თავიც რომ მოეკლა, მკვლელობა არ იქნებოდა? მაგრამ… მე კატეგორიულად უარვყოფ ბატონი ბესარიონის, რობიზონ მარგველანის, გვანცელაძის, კეკენაძისა და ბურჯანაძის მხრიდან პრეზიდენტის ღალატს!

ამდენი დევნილობა, გაჭირვება, სტრესი, შიში არ არის ადვილი გადასატანი… მე კიდევ ერთხელ ვადასტურებ ჩემს პატივისცემას ბატონი ბესარიონ გუგუშვილის მიმართ!

გიმეორებთ: პრემიერი და დაცვა, ვინც პრეზიდენტს სიცოცხლის ბოლო წუთამდე გვერდში ედგა, მართლებიც არიან ხალხისა და ზვიად გამსახურდიას წინაშე და პრეზიდენტის ერთგულებიც გახლდნენ! იქ, სამეგრელოში ყოფნისას, ერთ პერიოდში დაცვის შეცვლაც იყო გადაწყვეტილი, მაგრამ პრეზიდენტს ისევ ეს ხალხი დაუტოვებია…

საუბრის ბოლოს მთავარს გეტყვით და მოვუწოდებ ყველას: შეწყდეს უსაფუძვლო ცილისწამებები ეროვნული ხელისუფლების ღირსეული წარმომადგენლების მიმართ!

„ასავალ-დასავალი“, 2012 წლის 21 – 27 მაისი № 21 (919), გვ. 34-35
https://www.box.com/s/b2722108caf747221d28

ბ.გუგუშვილი: შორენა გოგოლაძეს presa.ge


მოგესალმებით, გაწუხებთ საქართველოდან ჟურნალისტი შორენა გოგოლაძე. თქვენთან გვინდა ინტერვიუს ჩაწერა. თემა საქართველოს პარლამენტში შექმნილი დროებითი კომისიის მუშაობასა და შედეგებზე, რომელიც ზვიად გამსახურდიას გარდაცვალების ფაქტს სწავლობდა. იქნებ მოგვწეროთ შესაძლებელია თუ არ ჩვენ რამდენიმე შეკითხვას უპასუხოთ და შეკითხვებსაც აქვს გამოგიგზავნით. დიდ მადლობას გიხდით წინასწარ. Read more of this post

ბ.გუგუშვილის ინტევიუ „ალიონს“, 2002


1. შესაძლებელი იყო თუ არა გამსახურდიას ხელისუფლების შენარჩუნება?

პირველ რიგში – რა აზრია ჩაქსოვილი ტერმინში “გამსახურდიას ხელისუფლება”? საიდან მოდის, ვინ შეთხზა ეს ტერმინი? რომელ იდეოლოგიურ ლაბორატორიებში? რა წრეების მიერ? რა მიზნით? მხოლოდ არ დაიჩემოთ ჯიუტად, რომ თავისთავად დაიბადა და ავტორები არ გააჩნია. არც დამნერგავები. ამ სიტყვების, ტერმინების უკან მსოფლმხედველობაა, მიდგომაა, იდეოლოგიაა, პროპაგანდაა.

რატომ გაისმოდა და გაისმის სწორედ ეს ტერმინები ყოველდღე და ასეულ ათასჯერ – პრესაში, ტელევიზიაში, რადიოთი? ერთის მხრივ – “გამსახურდიას რეჟიმი”, ”პროვინციული ფაშიზმი”, “ბუნკერი”, “კარვის ქალები”… მეორეს მხრივ “ქალაქელები”, “თბილისელები”, “ინტელიგენცია”… ამ ტერმინებში ასახულია განწყობა, მიდგომა – ბოროტი წინასწარზრახვა, მიზანი.

“გამსახურდიამ ვერ გამონახა საერთო ენა ინტელიგენციასთან!”. ვინ არიგებს ინტელიგენციის წოდებას? ვინ მიითვისა ეს პრივილეგია სხვა პრივილეგიებთან ერთად? ვინ არის ეს პრივილეგირებული კლასი, ფენა?

რატომ “გამსახურდიას ხელისუფლება” და არა – კანონიერი, დემოკრატიულად არჩეული, სახალხო, ეროვნული ხელისუფლება? განა ეს მხოლოდ ტერმინებით ეკვილიბრისტიკაა, ჟონგლიორობაა?!

თქვენს მიერ დასმული კითხვა თავისთავად გულისხმობს რაღაც საფუძველში ერთგვარი ნიშნების, თვისებების მქონე ხელისუფლებებს… გამსახურდიასი, შევარდნაძის, კიდევ ვიღაცის… თითქოს ამ ხელისუფლებებს შორის განსხვავება მხოლოდ მეთაურის გვარია და მეტი არაფერი.

შევცვალოთ თქვენს მიერ დასმული კითხვა ასე:“შესაძლებელი იყო თუ არა საქართველოში დემოკრატიული, ეროვნული ხელისუფლების შენარჩუნება?”

როგორც ხედავთ, ყველაფერი უცებ შეიცვალა. თუ კითხვას ასე დასვავდით მაშინ საუბარი გვექნებოდა აგრეთვე საერთოდ საქართველოში დემოკრატიის, სამართლიანობის შენარჩუნებაზე, კანონიერების შენარჩუნებაზე – რომელიც დღეს დარღვეულია… საქართველოს უახლოესი წარსულიც, დღევანდელობაც და მომავალიც სულ სხვა ჭრილში, სხვა კუთხით გამოჩნდა. რატომ არ დასვით შეკითხვა ასე?

შეკითხვა რომ ასე დაგესვათ – აღმოჩნდებოდა, რომ დაემხო ეროვნული, დემოკრატიული, სახალხო… რაღაც კარგი ნიშნების მატარებელი. ისიც გამოჩნდებოდა, რომ იგი დაამხო ანტიეროვნულმა, ანტიდემოკრატიულმა, ანტისახალხომ. ბინძურმა, კორუმპირებულმა…

კიდევ ბევრი რამ გამოჩნდებოდა. მაშინ მე შემეძლებოდა უფრო ვრცელი პასუხის გაცემაც. ახლა კი, მე თქვენს ამგვარ შეკითხვაზე პასუხი არ გამაჩნია. მე მას ვერ ვიგებ… ვერ ვითვისებ… Read more of this post

ბ.გუგუშვილის ინტერვიუ „მთავარ გაზეთს“ 12.2003


ბატონო ბესარიონ!მოგესალმებათ მთავარი გაზეთის კორესპოდენტი მანანა ხიდაშელი.ჩვენს გაზეთს უკვე აქვს თქვენთან ინტერნეტით ურთიერთობის გამოცდილება და ამჟამადაც უმორჩილესად გთხოვთ,გაგვცეთ პასუხი რამდენიმე კითხვაზე.

1. ადევნებდით თუ არა თვალს საქართველოშო მიმდინარე ბოლოდროინდელ პროცესებს (მხედველობაში გვაქვს ხელისუფლების შეცვლა,რომელსაც “ვარდების რევოლუცია” შეარქვეს). გთხოვთ, მოგვითხროთ თქვენი განცდების შესახებ.

დიდი გულისყურით ვადევნებ თვალყურს საერთოდ საქართველოში მიმდინარე ყოველ მნიშვნელოვან მოვლენას. რაც შეეხება „ხავერდოვან ანუ ვარდების რევოლუციას“ – რომელსაც მე „კოსმეტიკურ ევოლუციას“ ვუწოდებ – მისი კულმინაციური ნაწილი პირდაპირ, ცოცხალ ტელეგადაცემებში ვნახე. თითქმის არ მეპარებოდა ეჭვი, რომ ყველაფერი „წარმატებით“ დამთავრდებოდა – ისეთი მძლავრი ძალები, გავლენები და დიდძალი დოლარები გამოსჭვიოდნენ ამის უკან. მხოლოდ ერთი რამ ვერ გავიგე – ნუთუ „დემოკრატი“ დიქტატორის გარემოცვამ არ იცოდა და ვერ ხვდებოდა, რომ ისინი მათმა ხელდამსმელმა უკვე გასწირა? ნუთუ ასეთი მოკლე ჭკუისანი არიან? არსებითად მხოლოდ რამდენიმე შორსმჭვრეტელმა გაიძვერამ სულ ბოლო დღეებშიც მაინც იპოვა გამოსაძრომი… შეეძლოთ უფრო „ლამაზად“ წასულიყვნენ… ასლან აბაშიძემაც დაასაბუთა, რომ მარტივად მოაზროვნე და ჩლუნგი ყოფილა… კიდევ ერთხელ დავწმუნდი: ძალაუფლება რყვნის და აგრეთვე – აშტერებს…

კარგად ორგანიზებული სპექტაკლის მიღმა და მის მიუხედავად, დიდად მესამოვნა როდესაც კიდევ ერთხელ ვიხილე თავისი უფლების დასაცავად ზეაღმდგარი ქართველი ხალხი. ამგვარი რამ სიცოცხლეში სულ რამდენიმეჯერ მინახავს – 1956, 1978, 1990იან წლებში. არაფერია უფო ლამაზი და უფრო დიდებული ზეაღმდგარი ხალხისა. არა აქვს მნიშვნელობა ამის მიღმა რა ტრიალებდა. Read more of this post

ბ.გუგუშვილი – ინტერვიუ „მიმომხილველს“ – 2004 წლის 23.01


ჟურნალისტი ხათუნა ყვირალაშვილი
გაზ. „მომომხილველი“, 26.01.2002

1. ფლობთ თუ არა სრულ ინფორმაციას საქართველოში განვითარებულ მოვლენებთან დაკავშირებით? რა შეფასებას მისცემთ ე.წ. ვარდების რევოლუციას?

ინტერესით ვადევნებ თვალს ყველაფერს რაც საქართველოში ხდება. ზოგადად, ე.წ. ვადრების რევოლუციასაც. ცალსახა შეფასება ამის მიმართ არ გამაჩნია. ყველაზე დიდი სიამოვნება პოლიტიკური გვამის გატანის სცენამ მომგვარა. თითქმის არ მეპარებოდა ეჭვი, რომ ყველაფერი „კარგად“ დამთავრდებოდა – ძალზე დიდი და გავლენიანი ძალები იყვნენ ჩაბმულნი ამ საქმეში. Read more of this post

ბ.გუგუშვილი – ინტერვიუ „მთავარ გაზეთს იმერეთში“ – 2004 წლის აპრ.


გამარჯობათ ბატონო ბესარიონ.

მოგესალმებით საქართველოდან. იმედი გვაქვს სულ მალე სამშობლოში გიხილავთ. მით უფრო, რომ მიმდინარე პოლიტიკური პროცესები ამ იმედის საფუძველს იძლევა. ჩვენი გაზეთის თანამშრომლის ინტერნეტ-ნაცნობობა აკავშირებს თქვენს ვაჟთან და სწორედ მისი მეშვეობით ვაპირებთ თქვენთან ინტერნეტ-ინტერვიუს წარმართვას. ბევრი რომ არ გავაგრძელოთ,  გადავალ პირდაპირ შეკითხვებზე. იმედია დროს გამონახავთ მათზე საპასუხოდ. Read more of this post

%d bloggers like this: